Арганы
Беларусі. Полацкі Сафійскі сабор.
Кампакт-дыск з запісам аргана
Полацкага Сафійскага сабора – першы з серыі дыскаў “Арганы Беларусі”.
Гэты праект мае на мэце задакументаваць гучанне гістарычных і новазбудаваных
арганаў з усіх куткоў Беларусі, прыцягнуць увагу да праблемы іх зберажэння
і рэканструкцыі, адрадзіць забытыя помнікі беларускай арганнай музыкі.
Усе запісы ажыццяўляюцца з максімальным захаваннем акустыкі памяшканняў
і асаблівасцей гучання інструментаў.
Арган Канцэртнай залы
Сафійскага сабора збудаваны ў 1985 годзе чэшскай фірмай Рыгер Клос
(Rieger Kloss, op. 3550). Інструмент мае 3 мануалы з механічнай трактурай
і педаль, 47 рэгістраў з электрамагнітнай трактурай, каля 3900 труб.
Дзякуючы спалучэнню выдатнай акустыкі сабора і унікальнага інструмента,
арганная зала Нацыянальнага Полацкага гісторыка-культурнага музея-запаведніка
па праву лічыцца лепшай у Беларусі.
Першы канцэрт на аргане Полацкага Сафійскага сабора быў дадзены 2
мая 1985 года народным артыстам Расіі Алегам Янчанкам, першай пастаяннай
арганісткай стала Вівіяна Сафраніцкая.
З 1988 года салісткай Канцэртнай залы з'яўляецца Ксенія Пагарэлая
– выпускніца Маскоўскай кансерваторыі, якая стажыравалася ў вядомых
прафесараў у Гамбургу і Амстэрдаме. Выступала з канцэртамі ў Расіі,
Германіі, Даніі, Швейцарыі, Аўстрыі, Польшчы і Францыі. Ксенія Пагарэлая
– лаўрэат Міжнароднага фестывалю духоўнай музыкі “Магутны Божа” (Магілёў,
1993), ініцыятар правядзення першага ў Беларусі штогадовага Міжнароднага
фестывалю арганнай музыкі “Званы Сафіі” (з 1996). Выкладае на кафедры
спецыяльнага фартэпіяна Беларускай дзяржаўнай акадэміі музыкі арган
і фартэпіяна.
Трэк-ліст:
І.С.Бах (1685-1750) – Таката
і фуга рэ мінор, BWV 565
1. Таката 03:03 hi
quality (3,15 Mb) / low
quality (403 Kb)
2. Фуга 06:29
3. І.С.Бах
– Харальная прэлюдыя
“O Mensch, bewein dein Sьnde gross”, BWV 662 03:50
hi quality
(2,89 Mb) / low quality
(370 Kb)
І.С.Бах
– Прэлюдыя і фуга до мінор, BWV 546
4. Прэлюдыя 06:20
5. Фуга 05:18
6. Дж.Качыні
(1550-1618) “Ave Maria” 04:40
Ш.М.Відор (1844-1937) Сімфонія
№ 5 ор. 42/1 фа мінор
7. Adagio 04:32
8. Таката 05:11
Г.Кароткіна (1966*) Арганны
цыкл “Фрэскі”
9. ч.1 Сыход у адхлань 04:58 hi
quality (3,20 Mb) / low
quality (410 Kb)
10. ч.2 Малітва 04:28
11. ч.3 Перамяненне 03:56
Л.Бёльман (1862-1897) “Гатычная
сюіта” ор.25
12. ч.1 Інтрадукцыя-харал 02:58
13. ч.2 Гатычны менуэт 02:58
14. ч.3 Малітва 04:30
15. ч.4 Таката 03:20
Агульная
працягласць гучання: 66:42
Выканаўца:
Ксенія Пагарэлая
(арган)
Аўтар праекта Віктар Кісцень
Пры падтрымцы Польскага Інстытута
ў Мінску
