На канцэртах фестывалю “Калядныя вечары на Залатой Горцы” 25.12.2006-09.01.2007
Аўтар і каардынатар праекту Віктар Кісцень
© 2007 Музычнае таварыства “Ліра”, www.mtlyra.org
Афармленне 1
Афармленне 2
Афармленне 3
На дыску прадстаўлены выбраныя запісы канцэртаў Шостага фестывалю “Калядныя вечары на Залатой Горцы”, што прайшоў у Мінскім касцёле Найсвяцейшай Тройцы (святога Роха) з 25 снежня 2006 года па 9 студзеня 2007 года.
Набываючы гэты дыск, вы дапамагаеце Музычнаму таварыству “Ліра” ў арганізацыі канцэртаў, фестываляў і іншых культурных праектаў, скіраваных на адраджэнне беларускай музыкі, вяртанню яе ў сучасную гукавую прастору.
Трэк-ліст:
“Мэса ў гонар найрадаснага Нараджэння Хрыстова” (паводле рэканструкцыі Тамары Ліхач са Слонімскага Дамініканскага сшытка XVIII стагоддзя)
1. Kyrie 03:53
2. Gloria 05:45
3. Domine fili 01:42
4. Quoniam tu solus sanctus 01:35
5. Pastores 02:19
Ансамбль “Fama Bona”, маст. кір. Кірыла Насаеў, Віктар Кісцень (арган)
6. Невядомы аўтар XVII ст. - Танец I 02:08
7. Невядомы аўтар XVII ст. - Танец II 01:36
8. Бах-Марчэла - “Adagio” 04:32
9. Конскі бранль 02:58
Ансамбль старадаўняй музыкі “Brevis”, маст. кір. Павел Сурагін
10. Роберт Паперт - “Veni creator spiritus” 03:37
11. “Ціха ўсюды” (беларуская калядка) 02:33
12. “Як жаданы Хрыстус” (беларуская калядка) 02:12
Жаночы камерны хор “Элегія”, маст. кір. Алена Ісайкіна
Аляксандр Літвіноўскі - “На Божае нараджэнне” (3 часткі з кантаты)
13. “Анёл сказаў пастушкам” 03:15
14. “Зямля і неба” 02:30
15. “У начную ціш” 02:52
Сола: Галіна Лагіноўскіх (сапрана), Вікторыя Куцько (арган)
16. “Скиния златая” (беларуская калядка) 01:16
17. “Нова радость стала” (беларуская калядка) 01:33
18. “У Бэтлеем за пастушкамі” (беларуская калядка) 01:18
Народны камерны хор “Покліч”, маст. кір. Нона Пекун
19. Франсуа Куперэн - Offertorium з “Парафіяльнай месы” 07:51
Святлена Немагай (арган)
20. Іаган Себасцьян Бах - Сіцыліяна 02:02
21. Жорж Бізэ - Менуэт з сюіты “Арлезіянка” 03:18
Сяргей Махаў (флейта), Віктар Кісцень (арган)
22. Джэрэмія Кларк - Сюіта Рэ мажор 04:52
Яўген Ляттэ (труба piccolo), Віктар Кісцень (арган)
23. Дзітрых Букстэхудэ - “In dulce jubile” 02:35
24. Персі Флетчар - “Фантаны Рыв'еры” 04:30
25. Персі Флетчар - “Фестывальная таката” 06:01
Ксенія Пагарэлая (арган)
Агульная працягласць гучання: 79 хвілін
Інфармацыя пра удзельнікаў:
Ансамбль “Fama Bona”, мастацкі кіраўнік Кірыла Насаеў. У склад калектыву ўваходзяць навучэнцы ММВ імя Глінкі і студэнты Беларускай дзяржаўнай акадэміі музыкі. Кіруе ансамблем вядомы дзеяч беларускага музычнага адраджэння, кіраўнік легендарнага мужчынскага хору “Унія” Кірыла Насаеў.
Ансамбль старадаўняй музыкі “Brevis”, мастацкі кіраўнік Павел Сурагін. Калектыў cтвораны ў 1998 годзе. Лаўрэат многіх міжнародных конкурсаў, у тым ліку “Славянскага базару ў Віцебску - 2002”, камерных ансамбляў імя М.Агінскага, фестывалю старадаўняй музыкі і культуры ў Мальбарку (Польшча 2004, 2005) і іншых. З гастролямі пабываў у Расіі, Польшчы, Літве, ААЭ, Паўднёвай Карэі. Усе удзельнікі калектыву - вучні СШ №13 г.Мінска.
Жаночы камерны хор “Элегія” Інстытута правазнаўства, мастацкі кіраўнік Алена Ісайкіна. Заснаваны ў 1997 годзе на музычным факультэце Беларускага дзяржаўнага педагагічнага універсітэта імя М.Танка ў Мінску. Уладальнік Гран-пры Міжнароднага фестывалю духоўнай музыкі “Магутны Божа” (1999), Гран-пры міжнароднага фестывалю духоўнай музыкі “Lapskie Te Deum” (Польшча, 2003), дыплома I ступені VIII Міжнароднага фестывалю праваслаўных песнапенняў у Мінску, лаўрэат фестывалю харавой музыкі ў Івана-Франкоўску (Украіна, 2000), V Міжнароднага фестывалю праваслаўных песнапенняў Гродзенскай епархіі, удзельнічаў у XV юбілейным фестывалі духоўнай музыкі “Gaude Mater” ў Чэньстахове (Польшча, 2005). З 2004 года жаночы камерны хор “Элегія” развіваецца пры Інстытуце правазнаўства пад кіраўніцтвам Алены Ісайкінай.
Народны камерны хор “Покліч” Дома культуры ЗАТ “Пінскдрэў”, мастацкі кіраўнік Нона Пекун. Калектыў - уладальнік дыплома I ступені VII Міжнароднага фестывалю праваслаўных песнапенняў, лаўрэат Міжнароднага фестывалю духоўнай музыкі “Магутны Божа”.
Святлена Немагай з 1995 г. - арганістка касцёла Найсв. Тройцы (св. Роха) у Мінску. У 1998 г. скончыла Беларускую дзяржаўную акадэмію музыкі па спецыяльнасці “Музычная беларусістыка”, а ў 2007 г. - па класе аргана ў дацэнта У.Неўдаха. У 1998-1999 гг. стажыравалася ў Акадэміі музыкі імя І.Я.Падэрэўскага ў Познані (клас аргана Э.Кароляк). Выступала з сольнымі канцэртамі ў Беларусі, Польшчы, Літве, Бельгіі. Кандыдат мастацтвазнаўства, аўтар шматлікіх артыкулаў па музычнай культуры арыстакратыі Беларусі і творчасці М.К.Агінскага.
Віктар Кісцень - каардынатар праектаў Музычнага таварыства “Ліра”, выпускнік Беларускай дзяржаўнай акадэміі музыкі па класе кампазіцыі праф. В.Кузняцова і дац. Г.Гарэлавай (2000), з 1998 года - арганіст касцёла Найсв. Тройцы (св. Роха), аўтар шэрага праграм на Беларускім радыё, каардынуе абмен канцэртнымі запісамі з Еўрапейскім вяшчальным саюзам.
Сяргей Махаў - выпускнік Беларускай дзяржаўнай акадэміі музыкі па класе флейты Л.Ласоцкай (1996), саліст ансамбля “Класік-авангард”, удзельнік трыо “Вытокі”, рэдактар выданняў ТА “Беларуская капэла”.
Яўген Ляттэ - выпускнік Беларускай дзяржаўнай акадэміі музыкі па класе трубы праф. М.Волкава (2003), саліст аркестра НАВТ оперы і балета РБ, лаўрэат міжнародных конкурсаў.
Ксенія Пагарэлая - салістка Канцэртнай залы Полацкага Сафійскага сабора, выкладчыца кафедры спецыяльнага фартэпіяна Беларускай дзяржаўнай акадэміі музыкі (арган і фартэпіяна). Лаўрэат Міжнароднага фестывалю духоўнай музыкі “Магутны Божа” (Магілёў, 1993). Ініцыятар правядзення першага ў Беларусі штогадовага Міжнароднага фестывалю арганнай музыкі “Званы Сафіі” (з 1996). З канцэртамі выступала ў Расіі, Германіі, Даніі, Швейцарыі, Аўстрыі, Польшчы і Францыі.